На денешен ден на 25 јануари 1991 година во Собранието на тогаш Социјалистичка Република Македонија е изгласана Декларацијата за сувереност на Македонија.
Иако југословенската Армија под контрола на Слободан Милошевиќ и генералот Аџиќ се уште беа во земјата а од Белград доаѓаа закани дека може да дојде до војна ако Македонија се обиде да се отцепи во собранието беше усвоен документот кој овозможи Македонија на 8 Септември да прогласи независност.
Декларацијата за сувереност на Македонија беше донесена во согласност со уставните определби за независност и територијален интегритет на македонската држава, како и правото на македонскиот народ на самоопределување, вклучувајќи го и правото на отцепување.
На фотографијата покрај дел од пратениците се гледа тогашниот претседател Киро Глигоров кој два дена по изгласувањето на Декларацијата за сувереност на државата, на 25 јануари 1991 година, бил избран за прв претседател на самостојна и суверена Република Македонија од страна на Собранието на Република Македонија на 27 јануари 1991 година. На 7 март Глигоров му го доверил мандатот на Никола Кљусев за формирање на првата влада.
На сликата се гледа и Васил Тупурковски кој беше македонски претставник во колективното претседателство на се уште постоечката СФРЈ кое беше во Белград.
Десно од Глигоров и Тупурковски на сликата се гледаат идниот премиер Никола Кљусев и академикот Блаже Ристовски кој подоцна стана вицепремиер во македонската влада.
