Во Лос Анџелес веќе неколку дена се одвиваат протести кои почнаа поради рации и депортации на мигранти, но брзо прераснаа во насилни судири. Претседателот на САД, Доналд Трамп, без согласност од државата, испрати Национална гарда во градот.
Американската војска привремено распоредува околу 700 маринци во Лос Анџелес, додека не пристигнат дополнителни припадници на Националната гарда, со што се ескалира одговорот на администрацијата на Трамп на уличните протести. Еден анонимен официјален претставник соопшти дека маринците ќе бидат на привремена должност, додека не стигне дополнителната гарда.
Клучни информации од местото на настанот:
Полицијата во Лос Анџелес уапси голем број демонстранти и ги носи со автобуси. Протестите се растеруваат со шок-бомби и проектили. Протести се одржуваат во повеќе градови низ САД. Трамп најави испраќање уште 2000 припадници на Националната гарда. Градоначалничката на Лос Анџелес го нарече градот „пилот-проект“ на администрацијата на Трамп. Стотици маринци веќе пристигнаа во градот. Испраќањето на војската ќе чини околу 134 милиони долари. Маринците немаат овластувања за апсења, но ќе користат штитови и палки. Трамп ги нарече демонстрантите „платени бунтовници“.
