На годишната WWDC конференција, Apple ја претстави новата верзија на оперативниот систем за iPhone – iOS 26, која ќе биде лансирана есенва 2025 година. Со оваа верзија, Apple го менува начинот на именување – повеќе нема да се користат редни броеви како „iOS 19“, туку името ќе го носи годината на издавање, со што се усогласува со другите нивни системи како macOS, watchOS и iPadOS.
Најголемата новина е воведувањето на нов дизајнерски јазик инспириран од visionOS од уредот Apple Vision Pro. Новите интерфејс елементи се проѕирни, динамични и исполнети со светлечки и стаклени ефекти, познати како Liquid Glass дизајн. Променети се иконите, копчињата, видџетите, алатните ленти и CarPlay кој сега покажува повици поинаку и воведува нови функции како емотикони и приказ на активности.
iOS 26 носи и бројни функционални подобрувања:
Телефон: нов систем за филтрирање повици, спојување на пропуштени повици и гласовна пошта, како и известување кога агент е достапен. Пораки: можност за испраќање пари во групни разговори, поставување позадина и креирање анкети. FaceTime: редизајниран интерфејс и префрлени контроли. Safari: проѕирна лента за внес и подобрена заштита на приватноста. Камера и Фотографии: поедноставна навигација и враќање на табовите во галеријата.
Во фокусот е и подлабоката интеграција на Apple Intelligence со нови функции како превод во реално време во повици и пораки, автоматско сумирање на нарачки и следење на пратки од е-пошта, како и препознавање содржини на екранот со предлози за додавање настани во календарот.
Дополнително, Apple ќе понуди нова апликација Games за управување со Apple Arcade игрите, а апликацијата Wallet ќе овозможи креирање дигитален идентитет од пасошот и реално време информации за летови и багаж.
iOS 26 ќе биде достапен за iPhone 11 и понови модели, додека напредните AI функции ќе работат само на iPhone 15 Pro и понови. Јавната бета верзија ќе излезе во јули, а финалната верзија се очекува наесен.
