Украински ноќен напад со дронови доведе до затворање на два главни аеродрома во Москва, соопштија руските власти.
Руската агенција за цивилна авијација, Росавијација, преку Телеграм извести дека поради безбедносни причини се привремено прекинати полетувањата и слетувањата на аеродромите Внуково и Домодедово.
Градоначалникот на Москва, Сергеј Собјанин, информира дека руската противвоздушна одбрана успеала да собори девет украински дронови кои се упатиле кон главниот град околу 4 часот изутрина.
Итните служби биле испратени на локациите каде што паднале остатоците од соборените беспилотни летала.
Еден од дроновите предизвикал краткотраен пожар во хемиската фабрика „Азот“ во Тулската област, при што се повредени најмалку две лица.
Дополнително, седум други украински дронови биле соборени над Калушка област, соопштија локалните власти.
