Стотици екстензии за Google Chrome крадат податоци и тајно активираат малициозен софтвер, предупредуваат истражувачите за безбедност од Domain Tools, пренесува BleepingComputer. И покрај тоа што Google ги отстрани повеќето од овие додатоци, многу корисници веќе се заразени.
Најголемата опасност се крие во тоа што многу од овие екстензии изгледаат легитимно, прикриени зад имиња на познати брендови како Fortinet, YouTube, Deepseek AI и Calendly. Така, милиони корисници несвесно ги инсталирале, мислејќи дека се безбедни.
Списокот на најпреземани злонамерни екстензии изгледа застрашувачки:
Cuponomia – Coupon and Cashback (700.000 преземања) Fire Shield Extension Protection (300.000) Total Safety for Chrome™ (300.000) Protecto for Chrome™ (200.000) Browser WatchDog for Chrome (200.000) Securify for Chrome™ (200.000) Browser Checkup for Chrome by Doctor (200.000) Choose Your Chrome Tools (200.000)
Слична ситуација се појави и минатиот месец, кога други истражувачи открија нов бран злонамерни екстензии кои се ширеа преку реклами и лажни веб-страници.
Експертите советуваат: пред да инсталирате каква било екстензија, проверете ги оценките, коментарите и дали доаѓа од официјален извор. Во спротивно, вашиот компјутер – и вашите податоци – може да бидат во сериозна опасност.
