Фудбалската федерација на Македонија (ФФМ) активно се вклучи во одбележувањето на Европската недела на спортот, настан под покровителство на Министерството за спорт. На штандот на ФФМ беа презентирани програмите и активностите што федерацијата ги спроведува со цел унапредување на спортот и промоција на здрави животни навики.
Посебно внимание беше посветено на #TakeCare програмата на УЕФА, која е насочена кон грижата за физичкото и менталното здравје на сите учесници во фудбалската игра – од играчи и тренери до судии и спортски работници. Програмата ги промовира здравата исхрана, физичката активност, менталната благосостојба и важноста на одмор и регенерација.
Присутните граѓани имаа можност да се информираат за мисијата и визијата на ФФМ, за поддршката на младинскиот спорт, како и за иницијативите насочени кон вклучување на пошироката заедница во спортски активности. Со своето учество, ФФМ уште еднаш го потврди својот ангажман во градењето здраво и активно општество преку спортот.
