Според невладината Транспаренси, која го мери индексот на корупција, Македонија е рангирана на 111 место кое го дели во Босна, Панама и Монголија.
Индексот, кој рангира 180 земји и територии според нивните перцепирани нивоа на корупција во јавниот сектор според експертите и деловните субјекти, користи скала од нула до 100, каде нулата означува највисок степен на корупција, а 100 најнизок степен.
На врвот на листата се Данска и Нов Зеланд, со освоени 88 поени, а потоа следат Финска, Сингапур, Шведска и Швајцарија со по 85 поени.
Најниско рангираните земји се Јужен Судан и Сомалија, со по 12, а потоа следат Сирија (14), Јемен (15) и Венецуела (15), од овие земји Македонија има разлика од околу 20 поени.
Истражувањето на Транспаренси покажува дека корупцијата не само што го поткопува глобалниот здравствен одговор на КОВИД-19, туку исто така придонесува кон континуирана криза на демократијата.
Можеме слободно да кажеме дека со последното рангирање Македонија официјално станува банана држава, имајќи во предвид дека токму Панама со која го делиме 111 место е една од првите држави за кои е употребен овој термни.
Во еден извештај на Светската банка за „Миграција и одлив на мозоци во Европа и Централна Азија“ објавен пред 2 години, во изминатиот период, околу една четвртина од населението или приближно 500.000 луѓе ја напуштиле земјата. Британскиот угледен економски магазин „Економист“ ја стави Македонија на осмото место по одливот на мозоци, односно иселувањето на високо-образовани и талентирани луѓе во светот.
Овааа статистика не е ни чудна по ваквите извештаи како овој од денеска на Транспаренси, не е чудно што младите се иселуваат кога земјава бележи само пораст на корупцијата, никој не сака да живее во држава која е толку корумпирана.
