[ФОТО] Изложено телото на папата Франциск! Необичен детаљ го изненади светот, ниту еден папа не е испратен на овој начин!

Почина папата Франциско: Неговото тело изложено во Домот Света Марта, започнува подготовка за избор на нов папа

Папата Франциско, духовниот лидер на Римокатоличката црква, почина вчера во Ватикан на 88-годишна возраст од последици од мозочен удар. Неговото тело е изложено во Домот Света Марта – местото каде што живееше за време на својот понтификат, наместо во традиционалната Апостолска палата.

Оваа локација, која папата ја претпочиташе поради својата едноставност и блискост со верниците, во наредните денови ќе служи и како привремено сместување за кардиналите кои пристигнуваат во Ватикан за да учествуваат во изборот на неговиот наследник, по деветдневната жалост.

Погреб според новите правила на Франциско

Ватикан објави фотографии од телото на починатиот папа, поставено во отворен ковчег, облечен во црвена литургиска облека со папска митра и бројаница во рацете.

За првпат, според реформите што самиот ги воведе минатата година, неговото тело не е поставено во три ковчега, како што налагаше досегашната папска традиција. Наместо тоа, телото е сместено во поедноставен дрвен ковчег, внатрешно зајакнат со цинков сандак.

Дополнително, при изложувањето во базиликата Свети Петар, ковчегот нема да биде поставен на возвишен катафалк, туку ќе биде едноставно поставен – свртен кон верниците кои ќе можат да се простат од него во тишина и молитва.

Подготовки за конклава

На церемонија што траеше нешто помалку од еден час, ватиканскиот камермесер, кардинал Кевин Фарел, ја прочита официјалната изјава за смртта на папата. Истовремено, се ставени и црковни печати на неговиот стан во Апостолската палата, како и на просториите во капелата на Света Марта, каде што Франциско престојуваше.

Во Ватикан веќе започнаа првите состаноци на кардиналите кои ќе ги организираат погребните обреди и церемониите што го означуваат крајот на едно понтификатско поглавје. Во следните денови се очекува да биде соопштен и датумот на одржување на конклавата – тајната седница на кардиналите на која ќе се избере новиот папа.

Последните денови на Франциско

Папата Франциско се опоравуваше од петнеделна хоспитализација поради воспаление на белите дробови, кога доживеа мозочен удар во својот стан. Последен пат се појави јавно на Велигден, кога го изрече традиционалниот благослов „Urbi et Orbi“ од папамобилот, обраќајќи се до верниците на плоштадот Свети Петар.