За научниците од денешницата патувањето низ времето и телепортирањето се и понатаму во рангот на научната фантастика. Меѓутоа, за српскиот генијалец Никола Тесла, постои теорија дека тоа било реалност.
Како еден од главните јунаци на оваа мистерија од 20-тиот век, за воениот брод на американската морнарица кој што под неразјаснети околности исчезнал, а потоа се појавил стотина километри подалеку, теоретичарите на заговори и денес го наведуваат токму името на Никола Тесла.
Експериментот познат како “Проект Виножито” или Филаделфиски експеримент (случајот наводно се одиграл во пристаништето на американската морнарица во Филаделфија) е помеѓу омилените “десерти” за теоретичарите на заговори, иако не постојат цврсти докази дека вакво нешто навистина се случило. Целта било да се направи технологија која што би можела да направи бродот да биде невидлив за непријателските радари.
Според тврдењата на теоретичарите, токму електромагнетно зрачење го испратило американскиот разорувач на патување низ времето кон крајот на месец октомври во 1943-та година. Кога генераторите се вклучиле, наместо бродот да добие електромагнетен заштитен балон, тој станал невидлив – буквално!
Неколку секунди подоцна (а според некои теории и часови подоцна) се појавил на стотина километри подалеку од Филаделфија. Всушност, кога генераторите биле исклучени и зрачењето престанало, бродот повторно се појавил. Неколку членови на екипажот бесцелно лутале на палубата, без свест за тоа што им се случило и каде воопшто се наоѓаат.
Објаснувањето било едноставно – ова бил прв пат за човекот да биде жртва на толку силно електромагнетно зрачење.
Колкава била наводната улога на Никола Тесла во овој мистериозен проект, можеби никогаш нема да биде докажано, но, како што се верува, научникот од него се откажал уште во 1942-та година, бидејќи сфатил колкави може да бидат последиците. Теоријата вели дека не само што одбил да учествува во пеколните планови на американската војска, туку е и гонет поради етички причини, при што започнал и да го саботира проектот. И покрај напорите, тој не успеал да го спречи и фактот за заморчиња во овој проект да бидат токму луѓето.
Самата теорија за нестанокот на Елдриџ дополнително ја вжештува атмосферата токму и теоријата за тоа дека токму вмешаноста на Тесла во овој експеримент е и главна вина за смртта на Тесла, како и тоа дека токму поради сето ова тој бил и убиен.
Со децении наназад веќе се прераскажуваат бројни легенди за неговите наводно најважни ракописи, кои што пак мистериозно исчезнале од архивите, но дека главниот ум зад целата операција, како што велат теоретичарите на заговори, се американската влада и војска, на кои што отсекогаш им пречело тоа што српскиот генијалец не бил доволно кооперативен.
Тесла, според приказните, на пријателите често им се доверувал дека се плашел за тоа дека некои од неговите проекти би можеле да дојдат во погрешни раце, и дека тоа може да биде фатално.
За Филаделфискиот експеримент се снимени и бројни документарни филмови, а напишани се и неколку книги. Најголем публицитет привлече Ал Биелек кој што во самото дело тврдел дека бил еден од членовите на прочуениот мистериозен екипаж на Елдриџ, кој што патувал низ времето.
Се зборува дека на овој проект како советник работел и Алберт Ајнштајн, кој токму во тоа време најави дека ќе се повлекува од науката.
Никола Тесла починал на 7-ми јануари во 1943-та година – два месеца после почетокот на работата на бришењето на воениот разорувач од радарите.
