Како да не беше доволна страшната сообраќајка што ја потресе Македонија со младата девојка од Неготино, Фросина Кулакова, денеска во Скопје се случи уште една несреќа која лесно можеше да има ист епилог пишува лидер.мк.
Според информациите до кои дојде Лидер.мк и потврдени подоцна од МВР, денеска на булеварот „Кузман Јосифоски-Питу“ во Скопје возило удрило во пешак, а возачот избегал од местото на настанот.
Инцидентот се случи на 31 јануари 2025 година, во 13:54 часот, кога патничко возило „Цитроен“ удрило во машко лице, по што го напуштило местото на несреќата. Повредениот пешак е пренесен во Комплексот клиники „Мајка Тереза“ за лекарска помош.
Полициски службеници од СВР Скопје преземаат мерки за пронаоѓање на возачот и расчистување на настанот, информираат од Министерството за внатрешни работи.
