Директорот на ТИРЗ, Гоце Димовски, заедно со премиерот Мицкоски, министерот за надворешни работи и надворешна трговија, Тимчо Муцунски и Александар Голабоски, извршен директор на Авеста Батери, денес присуствуваа на официјалното ставање камен темелник на фабриката.
Димовски изрази особена поддршка за инвестицијата која значајно ќе придонесе за економскиот раст и развој, потврдувајќи ја конкурентноста на Македонија како дестинација за странските инвеститори.
Александар Голабоски, извршен директор на компанијата, најави извоз од 50 милони евра во првата година од инвестицијата која ќе достигне 40 милиони евра, а бројот на вработени 600.
Премиерот Христијан Мицкоски истакна дека стартот на инвестицијата е доказ дека со заедничка работа може да се направи многу.
„Ова се само докази дека заеднички може да се направи многу. Заедно со директорот на ТИРЗ, Гоце и инвеститорот направија многу за да овој проект конечно заживее, помина и на Владина седница. Очекуваме оваа година до крајот да ја завршиме со рекорден број странски инвестиции, во вредност од повеќе од 1 милијарда евра, со што ќе бидеме најдобри по глава на жител на Балканот.“ – изјави премиерот Мицкоски.
