Во денешната емисија “Само Вистина” на Канал 5 телевизија, поранешниот пратеник од редовите на ВМРО-ДПМНЕ, Илија Димовски направи кратка анализа за меѓуетничкиот соживот и во кој правец би требало да се развива дебатата на ова поле:
“Нас не треба некој од Европа да ни увезува модели на соживот, ние малце сами се подценуваме кога зборуваме дека некој треба да не учи на соживот. Извинете, ама стотици и стотици години живеат и македонци, и албанци, и турци, и роми во овие подрачја и живеат многу по-нормално отколку во некој подрачја од развиена Европа.
Фактот дека промените општествени кои се случуваа во минатите 60-70 години, различните политики на околните држави, спрема македонците или спрема албанците, направија одредени дисбаланси. Ако сме ние паметни, како граѓани на една зедничка држава, тогаш ние треба да се малце и тргнеме на страна од тие влијанија и да погледнеме со ладна глава, што се нашите интереси како граѓани на оваа држава. Треба да бидеме конкурентни во наука, во образување, во економија, во производство, во трговија, во извоз.
Еден милион случаеви имаме на соработка помеѓу бизнисмени од различни етнички заедници, комори, соработки, акционерски собранија и така натака. Значи каде што сме практични, каде што не се оптеретуваме со некаква симболика, тогаш функционираме многу нормално.”
