Црногорската полиција објави видео од синоќешното апсење, кога беа уапсени Слободан Кажелан, наводниот водач на кланот Кавчан и најмалку четворица негови блиски соработници.
Според црногорските медиуми, Кажелан и тројца наводни членови на групата биле уапсени во Котор и еден во Пjeева.
Кажелан беше уапсен под сомнение дека организирал криминална група која извршила и планирала неколку тешки кривични дела, за што му се заканува казна затвор од 40 години.
Во полициските записи тој е обележан како еден од водачите на кланот Кавчан. Освен него, полицијата го означува Радоје Звицер како шеф на тој клан, кој никогаш не бил уапсен во Црна Гора во поголеми полициски акции и за кого, како што пишуваат медиумите, во моментов се трага.
