Во Општина Битола гласањето за локалните избори започна навремено и без проблеми на сите 170 избирачки места. Според податоците на Државната изборна комисија, до 9 часот своето право на глас го искористиле 3,38 проценти од запишаните избирачи.
Во избирачкиот список за оваа општина се запишани 77.253 гласачи.
Гласачките места ќе бидат отворени до 19:00 часот, а по тој термин ќе можат да гласаат само лицата кои во моментот на затворањето се наоѓаат во избирачкиот објект.
Процесот на гласање се одвива мирно, без пријавени нерегуларности, соопштуваат од Општинската изборна комисија Битола.
