Претседателот на САД, Доналд Трамп, преку платформата Truth Social соопшти дека Израел прифатил почетна линија на повлекување во рамките на мировниот план за Појасот Газа.
Според Трамп, планот веќе е споделен со Хамас.
„Штом Хамас го потврди, примирјето веднаш ќе стапи на сила, ќе започне размена на заложници и затвореници, а ќе се создадат услови за следната фаза на повлекување, која ќе нè доближи до крајот на оваа 3.000-годишна катастрофа“, напиша Трамп на мрежата Truth Social.
Тој истакна дека планот претставува клучен чекор кон завршување на повеќедеценискиот конфликт во регионот и отвора пат за понатамошна дипломатска и безбедносна координација меѓу Израел, меѓународните партнери и Хамас.
