Севернокорејскиот лидер Ким Џонг Ун изјави дека земјата набавила „ново тајно оружје“ и постигнала значаен напредок во одбранбените истражувања и развој, објави државната агенција KCNA.
На седница на Врховното народно собрание, Ким нагласи дека новите капацитети „ќе придонесат за натамошно јакнење на воената моќ“, додавајќи дека е зајакната и поморската сила со создавање на повеќенаменски разурнувачи.
Тој исто така се осврна на учеството на севернокорејски војници во операцијата за „ослободување“ на Курската област во Русија, наведувајќи дека нивниот „хероизам“ предизвикал бран патриотски чувства и масовна подготвеност за регрутирање меѓу младите.
