Трагедија во Дака: Авион се урна врз училишен кампус, загинаа 25 деца
Најмалку 27 лица, од кои 25 деца, загинаа кога воен авион на воздухопловните сили на Бангладеш се урна врз училишен кампус во главниот град Дака. Според властите, 88 лица, претежно ученици, се хоспитализирани.
Несреќата се случила откако авионот „Ф-7“, кинеско производство, на рутински тренинг-лет доживеал технички дефект непосредно по полетувањето од воздушната база. Пилотот, кој се обидел да го пренасочи леталото кон ненаселена зона, исто така е меѓу загинатите, како и еден наставник.
Авионот се урнал врз кампусот на училиштето и колеџот „Мајлстоун“. Бангладеш ги набавил овие летала во рамки на договор со Кина потпишан во 2011 година.
