Некогашен апсолутен лидер на глобалниот стриминг пазар, Нетфликс денес се соочува со сериозен пад на доминацијата и растечка конкуренција која станува сè посилна и поамбициозна. Нови податоци на Nielsen, објавени преку Bloomberg, покажуваат дека уделот на Нетфликс во топ 10 најгледани серии опаднал од 80% во 2021 година на околу 50% во 2025 година.
Причината? Бројот и квалитетот на конкурентите драстично порасна. Платформи како Amazon Prime Video, Apple TV+, Max, Hulu и Paramount+ сè почесто се појавуваат меѓу најгледаните, нудејќи оригинални и високо продукциски проекти кои привлекуваат милиони гледачи.
И покрај падот, Нетфликс сè уште има најмногу серии во топ 10, меѓу кои се „Squid Game“ (прво место), „The Night Agent“, „Ginny & Georgia“ и „You“. Но, конкуренцијата не заостанува. Серии како „Reacher“ (Prime Video), „Severance“ (Apple TV+), „1923“ и „Landman“ (Paramount+) веќе му се „дишат во врат“.
Топ 10 најгледани стриминг серии (по минути гледање):
Squid Game (Netflix) – 15,07 милијарди Reacher (Prime Video) – 13,31 милијарди The Night Agent (Netflix) – 12,21 милијарди Ginny & Georgia (Netflix) – 10,20 милијарди Severance (Apple TV+) – 9,27 милијарди 1923 (Paramount+) – 8,54 милијарди The Pitt (Max) – 8,23 милијарди The Handmaid’s Tale (Hulu) – 8,17 милијарди You (Netflix) – 8,10 милијарди Landman (Paramount+) – 7,83 милијарди
Интересно, хитови како „The Last of Us“ и „White Lotus“ не се вклучени бидејќи биле емитувани на HBO како традиционален канал, што според Nielsen не се смета за оригинален стриминг.
Дополнително, бесплатни платформи како YouTube и Roku добиваат сè поголем дел од времето на гледачите, а Hulu е апсолутен лидер во категоријата на најгледани репризни серии.
Пазарот јасно се менува. Нетфликс повеќе не е недопирлив лидер, туку еден од многуте силни играчи во сè поостра борба за вниманието на глобалната публика.
