Тешка несреќа го потресе аеродромот Southend во Есекс, Англија, откако мал авион се урна и експлодира веднаш по полетувањето. Според информациите од полицијата во Есекс, се работи за авион долг околу 12 метри, тип Beech B200 Super King Air, кој полетал во 15:48 часот со дестинација Лелистад, Холандија.
Несреќата се случила само неколку секунди по полетувањето, при што авионот се срушил и се запалил. Снимки и фотографии објавени на социјалните мрежи покажуваат високи пламени јазици и густ црн чад над пистата, а сведоци раскажуваат за сцени од паника и шок.
„Авиончето полетуваше и пилотите им мавтаа на луѓето кои ги гледаа авионот. Моето семејство им возврати со мафтање. Сè изгледаше нормално додека не се случи страшниот удар“, изјави очевидецот Џон Џонсон за Sky News, кој бил на местото на настанот со својата сопруга и деца.
Сите итни служби се на терен и работат на расчистување и истрага за причините за несреќата. Од аеродромот Southend потврдија дека се работи за „зракоплов од општа авијација“, а од полицијата апелираа до граѓаните да го избегнуваат подрачјето додека трае интервенцијата.
Засега нема официјални информации за бројот на жртви или повредени во несреќата.
