Стефковски: Пожарот кај Смилковско Езеро е подметнат, еве ги доказите [ФОТО]

По синоќешниот голем пожар во близина на Смилковско Езеро, градоначалникот на општина Гази Баба, Бобан Стефковски, излезе со тврдење дека огнената стихија е намерно предизвикана.

„На терен се пронајдени остатоци од изгорена гума и ракавици, што укажува на намерно подметнување на пожарот. Жално е ако некој мисли дека на овој начин ќе добие политички поени“, изјави Стефковски и објави фотографии од пронајдените предмети.

Тој додаде дека пожарот бил активен на повеќе локации околу езерото, а поради сериозноста на ситуацијата, сообраќајот на обиколницата во близина бил во прекин.

Екипите за интервенција, заедно со кризниот штаб, веднаш излегле на терен и се вклучиле во гаснењето на пожарот.