„Авион на судниот ден“ слета во Вашингтон – сигнал за сериозна криза?
Леталото Е-4Б, познато како „Ноќна стража“ или „Авион на судниот ден“, слета во американската воена база Ендруз, лоцирана во близина на Вашингтон, објавија израелски извори преку мрежите Х (поранешен Твитер) и Телеграм.
Ова специјализирано летало претставува мобилен команден центар за претседателот на САД и највисоките воени структури, дизајниран да функционира во услови на нуклеарна војна или сериозна национална закана. Познато е по тоа што може да издржи електромагнетни импулси и нуклеарни експлозии, а ретко се активира. Последен пат беше користено во таков капацитет на 11 септември 2001 година, за време на терористичките напади врз САД.
Профилот Inside Israel на социјалните мрежи објави дека авионот полетал од Шривпорт, Луизијана и се движел по необична патека пред да слета во Ендруз. ж
Според нив, ова може да значи две работи:
– Најдобар случај: Подготовка за можно американско воено дејствување врз Иран со засилена претседателска безбедност.
– Најлош случај: Потенцијална нуклеарна ескалација на Блискиот Исток.
Израелскиот аналитичар Амир Царфати потврди дека леталото полетало од базата Барксдејл во Луизијана и повтори дека ова е Националниот центар за воздушно-десантни операции (NAOC) – стратешки систем за командување при крајно вонредни околности.
