Бугарија нема да отстапи ниту чекор од договореното со Македонија. Ова го изјави бугарскиот министер за надворешни работи Георг Георгиев во кулоарите на бугарскиот парламент.
„Членството во Европската Унија не е даденост, туку се темели на услови и критериуми што секоја држава мора да ги исполни“, изјави Георгиев, повторувајќи го цврстиот став на Софија по однос на проширувањето на Унијата.
Во меѓувреме, партијата „Преродба“ побара по одложувањето на извештајот за Македонија за 20 дена, да биде сменет и европратеникот Томас Вајц, кој е известувач за земјата.
„Извештајот за Македонија е неточен. Има истекување на информации кон Скопје. Вајц треба да биде отстранет затоа што не е објективен“, изјави Ангел Георгиев од „Преродба“.
Овие изјави доаѓаат во чувствителен момент за македонско-бугарските односи и може да имаат влијание врз процесот на приближување на Македонија кон ЕУ.
