Најмалку 13 цивили загинаа, а 59 беа повредени во пакистанските напади врз индиската страна на спорниот регион Кашмир, соопшти денес индиската влада, објавувајќи нов биланс на ескалацијата на насилството.
Повеќето жртви биле регистрирани во село во северозападниот дел на регионот, во близина на таканаречената „линија на контрола“ што го разделува Кашмир помеѓу Индија и Пакистан, информира Министерството за надворешни работи на Индија.
Според последните податоци, на пакистанска страна загинале најмалку 31 лице.
Пакистанските сили започнале артилериски напади врз индиска територија како одговор на претходните напади на индиската војска, кои биле извршени како одмазда за смртоносниот напад од 22 април.
