Редок цвет што трае само 10 дена: Лалето од Маниса цвета еднаш годишно, казната за негово берење речиси 9.000 евра
Лалето од Маниса (Tulipa orphanidea), ретка и заштитена ендемска билка, цвета само еднаш годишно во Националниот парк на планината Спил во Турција, објави Хуриет, пренесува Б92. Цветањето трае само околу 10 дена, обично кон крајот на април или почетокот на мај, зависно од временските услови.
Природниот фотограф и новинар Али Гезен (26), кој редовно учествува на фото-натпревари посветени на овие лалиња, истакна дека казната за нивно берење треба да биде уште построга, со оглед на нивната реткост и природна вредност.
Минатата година, казната за берење на овие заштитени лалиња изнесуваше околу 8.900 евра, што турските власти го користат како средство за одвраќање и заштита на ова природно богатство.
