Нови тензии меѓу Индија и Пакистан: Втор ракетен тест на Исламабад за три дена
Пакистан денеска изврши уште еден ракетен тест – втор по ред за само три дена – што дополнително ги зголеми тензиите со Индија, јавува Ројтерс. Индиските власти, реагирајќи на ситуацијата, наредија спроведување безбедносни вежби во неколку сојузни држави, со оглед на растечките стравувања дека двете нуклеарно вооружени држави се движат кон отворен конфликт.
Односите меѓу двете земји драматично се влошија по смртоносниот напад на 22 април во индискиот дел од Кашмир, каде загинаа 26 хинду туристи – најтежок напад врз цивили во Индија во последните дваесет години.
И покрај повиците од светските сили за воздржаност и смиреност, дипломатската комуникација меѓу Њу Делхи и Исламабад останува напната, а ситуацијата се развива во насока што загрижува и регионално и глобално.
