Црно кафе – едноставно и ефикасно оружје против инсекти
Без разлика дали се работи за оси и пчели преку ден или за досадни крвопијци навечер, едноставен трик со црно кафе може да ви обезбеди мир и заштита. Мирисот на дим од кафе делува како аларм за инсектите – ги асоцира на опасност и ги тера да се оддалечат од местото.
Еве како лесно да го примените овој метод: Земете парче алуминиумска фолија и обликувајте мал сад. Во него ставете мелено кафе – исто какво што користите за подготовка. Изнесете го садот надвор, на тераса, двор или на било кое место каде што сакате да престојувате, и запалете го кафето. Кафето ќе почне да дими, а мирисот ќе ги растера инсектите.
Во ресторани честопати користат мали ѓезвиња и врз кафето ставаат запалена брикета, но домашната верзија со фолија е подеднакво ефективна.
Може да употребите и остатоци од веќе сварено кафе, само претходно исушете го на темно и суво место.
Иако секогаш ќе се најде по некој „упорен гостин“, разликата е веднаш видлива – значително помалку инсекти и пријатна атмосфера за уживање на отворено.
За дополнителен ефект, може да додадете и сув ловоров лист. Тој исто така успешно ги одбива инсектите кога се пали, и може да се користи и самостојно – дури и во затворен простор.
Едноставно, природно и ефикасно – со малку кафе и ловоров лист, вашите летни вечери конечно можат да бидат мирни.
