Три лица загинаа, а осум се повредени во тешка сообраќајна несреќа што се случи вчера вечерта на патот Кичево–Гостивар. Во несреќата учествувале три возила, а увид на местото извршил јавен обвинител од Основното јавно обвинителство Кичево и увидни екипи од Министерството за внатрешни работи, пренесува Мета.
Несреќата се случи вчера пред 21 часот помеѓу Кичево и селото Трапчин Дол. Дел од повредените се пренесени во кичевската болница, а некои и во Клиничкиот центар „Мајка Тереза“ во Скопје. Сообраќајот на патот Кичево-Гостивар беше во прекин сè до 00:30 часот, но сега е нормализиран, јавува Авто-мото сојузот на Македонија.
Дежурен јавен обвинител од Основното јавно обвинителство Кичево заедно со увидни екипи од МВР изврши увид на лице место на патот Кичево-Гостивар каде во сообраќајна несреќа меѓу три возила животот го загубија три лица, а осум се повредени.
