Сергеј Лавров тврди: Русија има докази за присуство на западни команданти во Суми
Русија располага со информации дека во украинскиот град Суми, во моментот на ракетниот напад, се одржала средба меѓу украински воени претставници и нивни западни колеги, тврди рускиот министер за надворешни работи, Сергеј Лавров.
Во интервју за руското издание „Комерсант“, Лавров изјави дека „Русија има прецизни податоци за тоа кој точно се наоѓал во објектот што беше погоден“. Според него, станува збор за „команден центар“ каде што биле присутни високи украински воени претставници заедно со западни сојузници, маскирани како платеници.
– Во објектот се одржувала средба на украинските воени лидери со нивните западни партнери. Станува збор за војници на НАТО кои биле директно вклучени во командување – изјави Лавров, додавајќи дека „ова го знаат сите“.
Од украинска страна, регионалната воена управа соопшти дека бројот на загинати граѓани во вчерашниот напад во Суми се искачи на 34, меѓу кои има и две деца. Дополнително, 120 лица се повредени, вклучително и 15 деца.
Овие изјави доаѓаат во чувствителен момент, кога Москва сè почесто го обвинува НАТО за директна вмешаност во војната во Украина, додека Западот официјално негира какво било учество во борбените операции.





![[ФОТО] Северна Кореја ја започна изградбата на најголемиот и најмодерен воен брод: Објавени првите сателитски снимки](https://bulevar.com.mk/wp-content/uploads/2025/04/screenshot-2025-04-14-173622.png)

