Во Македонија денеска преовладува студено време, особено на повисоките планини, каде што снежните покривки се доста значителни. На Попова Шапка и во Крушево утрово температурата е -12 степени, а во Крушево има 24 сантиметри снег. Висината на снежната покривка во Битола изнесува 22 сантиметри, 18 сантиметри во Охрид, 14 во Маврови Анови, 12 на Попова Шапка, 7 во Претор, 5 во Тетово, 4 во Берово и 1 сантиметар во Прилеп.
До 08:30 часот најниски температури се измерени во Маврови Анови и Крушево, каде што температурата беше -7 степени, додека во Охрид биле -6, а во Тетово и Претор -5 степени. Во Битола и Берово се измерени -4 степени, додека во Крива Паланка биле -3, а во Прилеп и Виница -2. Во Куманово и Штип температурата била -1, а во Скопје-Петровец, Скопје-Зајчев Рид и Струмица 0 степени. Во Велес и Демир Капија температурата се искачила на 1 степен, додека во Кавадарци било 2 степени, а во Гевгелија 4 степени.
Во изминатите 24 часа најмногу врнежи имало во Пожаране, 22 литри на квадратен метар, додека во Крушево паднале 21 литар, а во Охрид и Маврови Анови 19 литри. Во Тетово паднале 15 литри, во Битола 14, а во Претор 13 литри. На Попова Шапка паднале 10 литри, во Виница 6, во Прилеп 5, во Берово 4, а во Крива Паланка 3 литри. Во Скопје-Петровец и Скопје-Зајчев Рид имало 2 литри, а во Штип, Демир Капија и Струмица 1 литар на квадратен метар.
Денеска ќе биде променливо облачно и студено, со умерен до засилен северен ветер, особено долж Повардарието, каде што ќе достигне брзини над 70 км/ч. Претпладне, на некои места ќе има услови за слаб снег. Дневната температура ќе се движи од 3 до 11 степени.
