Бразилецот Рафиња збесна по реакцијата на судијата Хил Манцано да не дозволи да биде изведен последниот корнер за Барселона на дуелот против Бетис во судиското продолжение. Беа останати уште десетина секунди, но судијата не дозволи изведување на последниот удар од аголот, а фрустрацијата на Рафиња беше толку голема, што по крајот на натпреварот се впушти во вербална конфронтација со судиите.Тренерот Ханси Флик мораше лично да интервенира и да го оддалечи својот фудбалер за да не добие директен црвен картон.
Рафиња револтирано му одбруси на тренерот Флик, а на патот кон соблекувалната се расправаше и со својот соиграч, голманот Тер Штеген, кој се обиде да го смири, но беше оттурнат од разлутениот Бразилец.
„Рафиња не беше лут на судиите, туку на мене“, се обиде да ја смири ситуацијата, тренерот Ханси Флик.
