Џорџ Клуни беше во Њујорк, пред театарот на Бродвеј, каде потпишуваше автограми за фановите, а сите забележаа драстична промена во неговиот физички изглед.
Некогашниот голем холивудски заводник Џорџ Клуни, кој сега е во среќен брак со Амал Клуни, бил познат по седа коса и неодолив шарм.
Сега беше снимен пред театарот на Бродвеј, каде што настапува во новата претстава „Добра ноќ и среќно“. Имаше смеѓа, обоена коса, залижана фризура и темни наочари. Носеше беж панталони и чевли, како и темно-сина јакна.
Клуни неодамна ја изненади јавноста кога ја обоил седата коса по која беше препознатлив. Многумина мислеа дека Клуни е во криза на средните години и дека поради тоа ја обоил косата.
Глумецот откри дека оваа промена беше за потребите на улогата во театарот и говореше за тоа како неговите најблиски ја доживеале оваа трансформација.
Многу фанови на големата холивудска ѕвезда се разочарани од неговиот нов изглед. Сметаат дека порано изгледал помладо и дека сега изгледа постаро отколку што всушност е.
