Најновото истражување покажало дека секојдневното туширање, за разлика од досега распространетите верувања дека може да и наштети на кожата, всушност не доведува до нејзино сушење и потенцијални последици како што се екцеми и псоријаза, пренесуваат британските медиуми.
Дерматологот Розалинд Симпсон од Универзитетот во Нотингем во Британија, истакнала дека истражувањето, кое вклучило 483 лица со екцема, покажало изненадувачки резултати, пишува „Гардијан“.
Учество земале две групи: едната која се туширала секој ден и другата која тоа го правела еднаш или двапати неделно.
„Очекувавте дека секојдневното туширање ќе ја суши кожата и ќе ги влоши симптомите на екцема, но тоа не е така“, рекла таа, додавајќи дека не било забележана никаква разлика во симптомите помеѓу двете групи.
Досега, често се верувало дека секојдневното капење ја отстранува природната заштита на кожата и корисните бактерии, како и дека доведува до пукање на кожата преку која можат да проникнат алергени и бактерии кои предизвикуваат екцема и псоријаза, наведува „Гардијан“.
Докторката Симпсон истакнала дека зачестеноста на туширањето нема врска со сушењето на кожата, иако може да доведе до нејзина иритација ако изложеноста на вода е премногу долга.
„Затоа, подобри се пократките туширања со поладна вода“, посочила таа, додавајќи дека треба да се внимава и на видот на сапун, гелот за туширање или производите за бричење што ги користиме.
„Препорачливо е да се избираат производи со што помалку различни состојки, за да се избегне иритација на кожата“, порачала Симпсон. Според неа, најдобро е секој да избере рутина на туширање која му одговара и да прави она што најдобро му одговара на кожата.
