Основачот на “Мајкрософт”, милијардерот и филантроп Бил Гејтс во онлајн верзијата на познатото телевизиско шоу “Дејли шоу” ги предупреди гледачите на многу тешка зима поради коронавирусот.
Милјардерот објасни дека поради фактот што луѓето поминуваат повеќе време во затворено во зима, вирусот всушност поактивно се размножува.
Тој, исто така рече дека забележал дека луѓето имаат одреден замор со примена на сите правила поврзани со спречување на ширење на вирусот.
Водителот не избегна да го праша како ги коментира тврдењата на многумина дека всушност постои желба Бил да развие своја вакцина, како би можел по масовната вакцинација да влијае на луѓето низ целата планета.
Гејтс најпрво се насмеа, а потоа се обиде да даде сериозен одговор на ова прашање, каде меѓу другото рече дека вакцините му донеле многу придобивки на човештвото
Гејтс му честиташе и на Џо Бајден откако американските медиуми го прогласија за победник на изборите.
Честитки за новоизбраниот претседател Бајден и потпретседателката Харис. Благодарение на изборните службеници и активисти за кампања кои неуморно работеа за да обезбедат рекорден број Американци да гласаат во толку предизвикувачко време за нашата земја. Со нетрпение очекувам да работам со новата администрација и лидерите од двете страни во Конгресот за да се стави пандемијата под контрола, да се ангажираат партнери низ целиот свет за прашања како што се сиромаштијата и климатските промени и да се решат нееднаквостите, напиша Гејтс
Познатиот американски бизнис магнат, филантроп, писател и претседател на Мајкрософт, поседува богатство кое се проценува на повеќе од 61 милијарди американски долари. Овој 56-годишен бинзисмен се наоѓа на четвртото место на најмоќни мажи во светот.
За разлика од автомобилите кои не му се премногу интересни, Бил Гејтс е страствен колекционер на уметнички дела, вредни книги и сопственик на неколку слики, чија вредност достигнува неверојатни 36 милиони амрикански долари. Станува збор за сликата „Lost on the Grand Banks“, која американскиот бизнисмен ја купи во 1998 година.
