Во Собранието на Србија денеска почна првата седница од редовната пролетна седница на која беше предложен дневен ред со 62 точки, меѓу кои четири закони од областа на образованието, меѓу кои и измените на Законот за високото образование, како и предлог-законот за поволни станбени кредити за младите.
Дискусијата почна жестоко околу дневниот ред, но во меѓувреме во салата се активира димен факел! Салата се наполни со чад, а во еден момент дојде и до туркање меѓу пратениците. Имаше и удари.
Пратеникот на Зелено-левичарскиот фронт Ѓорѓе Павичевиќ држеше факел во раката, додека пратеникот Предраг Марсениќ (Нов ДСС) ја поли со вода претседателката на Собранието, Ана Брнабиќ.
— Ime Prezime (@Lozinkaje47169b) March 4, 2025
-Барам пратениците да се вратат во своите фотелји и да продолжат со работата. Имаме работа и Србија никогаш нема да застане – изјави Ана Брнабиќ.
Како што рече, „Србија се гради со работа, седни да работиме“!
„Ваква Србија никогаш нема да победи“, рече Брнабиќ, додека пратениците од опозицијата протестираа и правеа врева во позадина.
Денешната седница е прв собир на пратеници од ноември минатата година, а фокусот е на усвојување на измените на Законот за високо образование за исполнување на четвртото студентско барање, како и оставка на премиерот Вучевиќ. Во собраниската сала има обезбедување, а се слушаат извици на неодобрување, свирежи и трубење.
Помеѓу точките има повеќе предлози за именување и разрешување, меѓу кои и на претседателката на Собранието, Ана Брнабиќ. Оставката на премиерот Милош Вучевиќ ќе биде констатирана на крајот на седницата.
За време на расправата за дневниот ред, пратеничката група на Зелениот лев фронт (ЗЛФ) побара да се повлечат сите точки, а да остане само онаа за измените на Законот за високо образование и изјавата за оставка на Владата на Србија, додавајќи дека „таква техничка влада не може да предлага нови предлог-закони“.
Повлекување на сите точки од 2 до 62 од дневниот ред побара и претседателот на Народното собрание на Србија, Мирослав Алексиќ, кој рече дека само треба да се забележи оставката на премиерот, а единствен акт за кој може да се расправа е Законот за високо образование, кој одговара на еден од студентските закони. Тој додаде дека Владата е во оставка и не може да предлага закони кои се на дневен ред. Мнозинството не го прифати тоа барање.
Пратениците од опозицијата во собраниската сала беа воздржани кога Собранието гласаше за ставање на дневен ред измените на Законот за високо образование. „За“ гласаа 144 пратеници од владејачкото мнозинство.
Српскиот премиер Милош Вучевиќ денеска изјави дека неговата оставка ќе биде објавена откако ќе заврши расправата во Собранието, бидејќи во спротивно, како што објаснува, владата би влегла во технички мандат и сите закони ќе мора веднаш да се повлечат од собраниска процедура.
Извор: slobodenpecat
