Кофеинот е многу значаен стимуланс за човековото здравје. Тој го забрзува метаболизмот, ја подобрува работата на мозокот и помага во губењето на тежината, па дури може да дејствува и како превенција за некои видови рак. Еве неколку факти што зборуваат за кафето и неговото добро влијание на човековото здравје.
Го подобрува расположението
Веројатно, знаете дека утринското кафе го подобрува вашето расположение, но дали знаете дека кафето всушност, може да се бори и со депресијата? Жените се чувствуваат поенергично и подобро се расположени по пиењето кафе. Жените што пијат четири фиџани кафе на ден имаат 20% помали шанси да бидат дијагностицирани со депресија, за разлика од жените кои пијат само еден филџан кафе.
Ја подобрува концентрацијата
Повеќето луѓе пијат кафе за да останат будни и сконцентрирани, и постои добра причина што го практикуваат тоа! Има многу докази дека 75мг. кофеин, колку што во просек содржи еден филџан кафе, може да ја зголеми будноста, способноста за задржување внимание и навремената реакција на здравите луѓе.
Го забрзува метаболизмот
Треба да знаете дека кафето може да ви помогне во намалување на телесната тежина. Некои теории сугерираат дека кафето може да го потисне апетитот и да го стимулира согорувањето на калориите. Не станува збор за драматични промени, но кофеинот го потпомага губењето на тежината и го пречува зголемувањето на истата.
Го намалува ризикот од срцеви заболувања
Доколку консумирате кафе во умерени количини (1-3 филџани дневно) шансите да добиете срцев удар се многу помали отколку кај оние лица што воопшто не консумираат кафе. Антиоксидансите што се содржат во него ја намалуваат можноста од инфаркт. Иако на почетокот кафето го крева притисокот, за неколку часа се ослободуваат азотни оксиди кои ги шират артериите и го забрзуваат протокот на крв и кислород до срцето. Долгорочната консумација на кафе го намалува ризикот од кардиоваскуларни болести. Меѓу тоа, ова не се однесува на вашето омилено макијато со шлаг и чоколаден прелив, туку само на основното црно кафе без било каков салдок додаток.
Помага при главоболка
Кофеинот ја зголемува активноста на мозочните клетки, и притоа предизвикува стегање на околните крвни садови, што пак помага да се намали притисокот предизвикан од болката.
Може да помогне во борбата против одредени видови рак
Една нова студја покажа дека пациентите со рак на дебелото црево, кои исто така биле страсни консумети на кафе, имале помал ризик од смрт и намален ризик дека рекот ќе се врати, за разлика од оние кои не пиеле кафе. Поголемата консумација на кафе, исто така, го намалува ризикот од другите видови на рак, вклучувајќи орален рак и рак на кожата. Неодамнешните истражувања откриле дека луѓето кои вежбаат и консумираат кафе имаат 62% помал ризик за развивање тумори на кожата, за разлика од оние кои ги немаат овие навики.
Ги подобрува физичките перформанси
Ви недостасува екстра сила за време на вежбањето? Најверојатно ви треба едно еспресо! Кофеинот во кафето има ергогенски ефект, што значи дека навистина може да ви помогне кога станува збор за физичките вежби. Всушност, кафето ги зголемува преформансите при трчање и велосипедизам и може да стимулира производство на адреналин, кој пак помага во производството на енергија и го подобрува протокот на крв во мускулите и срцето.
Може да го намали ризикот од алцхајмерова болест
Алцхајмеровата болест и дементација можеби не се на вашиот радар во моментов, но истражувањата покажувале дека редовното внесување кофеин во текот на животот може да помогне да се намалат шансите за развој на двете болести во подоцнежните години од животот.
