Украинскиот претседател, Володимир Зеленски, ја честита денешната прослава на Денот на независноста на Естонија, при што предупреди дека земјите со значително руско население можат да бидат следна цел на агресијата од страна на Русија.
Како што истакна, најголемата опасност настанува кога источноевропските земји имаат големи заедници со руски корени. Ова не е затоа што овие луѓе претставуваат закана, туку поради тоа што Кремљ би можел да ја искористи нивната безбедност како изговор за воена инвазија.
Зеленски ги посочи Полска, Словачка, Латвија, Молдавија и Естонија како потенцијално загрозени земји, потсетувајќи на ситуацијата од 2014 година, кога Русија го анексираше Крим и започна војна во Донбас. Тој ја цитираше тогашната руската реторика, според која, на почетокот, Москва тврдела дека не окупира територии, туку ја брани руската популација.
Претседателот Зеленски нагласи дека ако Украина не успее да ја победи во оваа војна, тогаш земјите како Полска, Латвија, Словачка и други од регионот ќе бидат под закана од руската политика и концептот на „рускиот свет“.
Говорејќи за иднината на конфликтот, Зеленски изрази надеж дека војната ќе заврши оваа година, а не по три години, и ја подвлече важноста на обезбедувањето на безбедносни гаранции за спречување на враќањето на руските сили. Тој смета дека доколку Украина стане членка на Европската унија и НАТО, тоа значително ќе помогне да се обезбеди стабилност, бидејќи ќе има силна армија, моќни сојузници и обединетост.
