Не е ова прв пат да алкохол и Лука Дончиќ завршат во една иста реченица. Само присетете се на реакцијата на Мајкл Финли кој во текот на една прослава му го грабна пивото на Лука од рака.
Сето ова имаше шанса да го види Андрес Војт при составувањето на теоријата која неодамна ја сподели.
Трејдот на Лука Дончиќ од Далас Маверикс во Лос Анџелес Лејкерс го изненади кошаркарскиот свет и со денови веќе се пишува за тоа, посебно во американските и словенските медиуми.
Поради што Дончиќ заминал во Лос Анџелес Лејкерс?
Има повеќе теории, но вистината се уште не се знае, ниту пак е познато дали некогаш ќе се дознае.
Една од теориите гласи дека познатиот кошаркар од Словенија морал да го напушти Далас поради проблеми со алкохолот, како и зголемената склоност кон дебелеење и повреди.
Тешките обвиненија за алкохол ги објави новинарот Андрес Војт во популарниот германски подкаст “GotNexxt” во кој изјавил дека од извори од Србија, како што пренесуваат регионалните медиуми, дознал дека Дончиќ има проблеми со алкохолот, а посебно во текот на летниот одмор.
