39-годишен пациент од Охрид е најмладиот кој денеска ја загуби битката со коронавирусот. Покрај него, уште 27 пациенти почнаа како последица од Ковид-19.
Најстариот починат пациент е на 86 годишна возраст. Од сите 28 починати, двајца се починати вон болнички услови.
Министерството за здравство (МЗ) вечерва информираше дека во последните 24 часа се потврдени 1093 нови случаи на Ковид-19, односно, регистриран е 431 случај во Скопје, 94 во Гостивар, 60 во Прилеп, 57 во Куманово, 55 во Велес, 44 во Кавадарци, по 41 во Штип и Тетово, по 37 во Битола и Охрид, 29 во Струга, 20 во Свети Николе и 19 во Неготино.
Потоа, 18 нови случаи на Ковид-19 се регистрирани во Струмица, 15 во Кичево, по 14 во Гевгелија и Дебар, 13 во Кочани, 11 во Радовиш, десет во Ресен, осум во Крушево, по седум во Крива Паланка и Делчево, по три во Валандово и Виница, по два во Пробиштип и Македонски Брод и еден случај во Кратово.
„Вкупната бројка на ковид дијагностицирани во нашата земја од почетокот на епидемијата изнесува 59701, бројката на оздравени пациенти е 36825, на починати е 1658, а бројот на активни случаи изнесува 21218“, стои во соопштението на МЗ.
Досега во земјава се направени вкупно 325.959 тестирања на Ковид-19, а во изминатото деноноќие се направени 3.084 тестови.
