На пазарот со поштенски услуги владее страшна нелојална конкуренција, а иако се едни од најбрзорастечките бизнис-сектори како последица на развојот на е-трговијата, логистиката и доставата изминативе години не добиваатникаква поддршка од државата, изјави за „Блумберг Адриа“Игор Гешовски, сопственик на најголемата компанија за поштенски услуги Еко логистик сервис (ЕЛС).
Изјавата следува по објавата на најновиот извештај за е-трговија во Западен Балкан кој го изработува Асоцијацијата за е-трговија на Македонија (АЕТМ), а кој покажа дека доставата и логистиката и понатаму остануваат најголем предизвик за е-трговците во Македонија и во регионот.
„Од нигде никаде се појавуваат фирми што без никаквалиценца за работа почнуваат да оперираат на пазарот запоштенски и курирски услуги и уште јавно се рекламираатдека станале официјални доставувачи за некои брендови. Згора на сѐ, државата упорно ја форсира државната пошта, која одамна е изгубен случај, тежок загубар и немакапацитет да ги задоволи потребите на денешната е-трговија, наместо да направи нејзино модернизирање, реструктурирање, или едноставно нека ја продаде на некојшто ќе има пари и знаење да го работи овој бизнис како штотреба“, вели Гешовски за „Блумберг Адриа“.
Според информациите од Агенцијата за пошти, во моментов, меѓу другото, се води постапка за поштенска компанија со седиште во Србија, која во земјава врши испораки од неколку познати брендови за облека, а нема лиценца за испорака на пратки во Македонија. Овапрактично значи дека компанија без лиценца располага и со личните податоци на македонските граѓани кои извршиле нарачки. Од друга страна, пак, домашна поштенска компанија која, според регистарот, нема лиценца за меѓународен транспорт, од неодамна почна да носи пратки од странство, за што се очекува да се отпочне постапка пред Агенцијата за пошти, која е надлежна за издавање на лиценците на давателите на поштенски услуги.
Во процесот на достава недостигаат работници
Просецот на доставата вклучува повеќе чекори – обработка на нарачките, пакување, транспорт и испорака до крајната дестинација – и сите тие се од суштинско значење за обезбедување беспрекорно искуство за клиентите.
Гешовски за „Блумберг Адриа“ вели дека ЕЛС постојано вложува во унапредување на бизнисот, сивата економија, но дека извесни „чудни регулативи го кочат развојот на логистиката и доставата“.
„Јас се борам сам како знам и умеам, вложувам во машини за сортирање, пакување, бележење и во друга опрема потребна за развој на модерна логистика. Од друга страна, вие имате на дневна основа сѐ уште илјадници пратки што се ‘разнесуваат’ преку таксисти, возачи на автобуси, комбиња итн. на ‘традиционален начин’. Колку губат логистичките компании поради оваа практика, колку губи државата од ненаплатени давачки и сл.“, вели Гешовски за „Блумберг Адриа“ и додава дека, како и во сите други бизнис-сектори, и тие мака мачат со наоѓањето работници.
Како дел од Извештајот за е-трговија во Западен Балкан беше спроведена анкета на е-трговците од Западен Балкан, арезултатите покажуваат дека предизвиците на е-трговците од Западен Балкан се речиси исти за сите. Најголем предизвик претставува доставата и тоа во однос на проблеми со брзината на достава, високите цени на доставата, доверливоста на курирските услуги, ограничените опции за достава, како и ниското ниво на професионалност на кадарот на доставувачи.
