Јавниот обвинител Јован Цветановски на рочиште за главна расправа за случајот со акциите на Скопски пазар, пред Апелацискиот суд Скопје на 10 декември во записник потврдил дека некој на 17 ноември го сменил диспозитивот на обвинението.
Веќе наредниот ден судот добива обвинение со нов диспозитив, овој пат потпишан од обвинителот.
Во низата бројни невообичаени судски заврзлами во овој случај, за кои веќе пишувавме, се додаде уште еден.
Кој го сменил диспозитивот без знаење на обвинителот Цветановски?
Тука се работи за класично фалсификување на официјална документација за која судот веројатно допрва ќе треба да решава. На судењето обвинителот рекол дека нема правно регуларен допис, дека таквата техничка грешка била поправена со доставување нов диспозитив по кој треба сега да се постапува.
Во пропратното писмо од Вишото јавно обвинителсто до Апелацискиот суд Скопје (КОЖ бр.1199/24 од 17.10.2024 година со приемен печат на судот, со предмет: враќање на списи, ваш КЖ 597/24) стои:
„Во врска со закажаната главна расправа на 28.10.2024 година, оформен против обвинетите Сашо Давитковски и други, по направениот увид Ви се враќа со писмено дополнување во однос на промена на правната квалификација согласно измените на Кривичниот закон – сл.весник на РС Македонија бр.188 од 07.09.2023 година со измена на диспозитив на обвинителен акт, кој заради економичност на постапката пред одржување на главната расправа да им се достави на обвинетите и одбраната“.
Во доставениот диспозитив, на последната страница има оригинален печат на Вишото јавно обвинителство, но нема потпис. На пропратното писмо, пак, со нов диспозитив, потпишан е јавниот обвинител Јован Цветановски, со печат на Вишото јавно обвинителство.
И судии и обвинители сега го поставуваат истото прашање – кој го известил обвинителот дека нема правно регуларен допис кога во списите од предметот не постои такво известување од Апелацискиот суд Скопје?
За првиот диспозитив било утврдено дека е нецелосен и технички неисправен.
Обвинителот Цветановски веднаш пристапил кон средување на овој хаос, па на 18 ноември доставил нов, комплетно изменет текст на диспозитив, со нови дејства на извршување, нови одредби од Законот за трговски друштва и комплетно променети околности од претходно доставениот. Овој пат со печат и потпис.
Целиот текст на Вечер.мк
