Министерката за енергетика, рударство и минерални суровини, Сања Божиновска, изрази голема чест и задоволство што ја претставуваше Македонија на 21. Виенски економски форум. Оваа година, фокусот на форумот беше на темата за заедничката одговорност на економијата и политиката во обезбедувањето одржлива европска иднина.
Во своето обраќање, Божиновска истакна дека дискусиите биле насочени кон стратегиите за одржлива енергија и инвестициите во обновливи извори на енергија како средства за поттикнување на економски раст и заштита на животната средина. Таа нагласи дека учеството на Македонија на вакви настани ја нагласува посветеноста на земјата за заедничка соработка во насока на енергетска независност и економска стабилност.
„Со паметни решенија и обединето работење, ќе ја изградиме иднината на Македонија“, порача Божиновска, додавајќи дека заедничките напори на државите и бизнисите во регионот можат да придонесат кон одржлива и стабилна енергетска иднина.
