Гореспоменатата забрана доаѓа како одговор на неуспехот на компанијата од Купертино да ги исполни барањата за домашни инвестиции на Индонезија.
Според Министерството за индустрија на Индонезија, телефоните не може да се промовираат на домашниот пазар бидејќи локалната „PT Apple Indonesia“ не ги исполнила барањата на земјата од 40% локална содржина за телефонски понуди.
„Apple“ инвестираше околу 95 милиони долари во Индонезија, а според извештајот, целта на компанијата е да изгради академии за програмери наместо да создава локални производствени капацитети, пренесува „MacRumors“.
Овој проблем за „Apple“ настанува во време кога компанијата бележи силна продажба на модели на „iPhone“ на глобално ниво, особено во Кина.
Кога станува збор за Индонезија, приближно 9.000 „iPhone 16“ уреди влегле во земјата преку лични нарачки од патници и персоналот, како и преку пошта, но овие уреди се строго ограничени на лична употреба и не можат да се продаваат комерцијално.
Извор: Б92
