Претседателот на Социјалдемократскиот сојуз на Македонија (СДСМ), Венко Филипче, кој денеска е во Прилеп во посета на селото Селце по повод Денот на народното востание порача дека неговата партија нема да дозволи да биде користена како „параван“ за неуспешните политики на ВМРО-ДПМНЕ и нивниот лидер Христијан Мицкоски.
Филипче рече дека СДСМ не е ВМРО-ДПМНЕ и нема да ја блокира иднината на земјата заради партиска политичка корист.
Тој се осврна на повиците за конструктивност од опозицијата, нагласувајќи дека поддршката на СДСМ ќе биде достапна само за реални и остварливи решенија.
„АКО ОЧЕКУВААТ ДЕКА СДСМ НАИВНО ЌЕ ПРИФАТИ ИДЕИ КОИ ВОДАТ ДО ДОПОЛНИТЕЛНИ БЛОКАДИ, СЕ ИЗЛАЖАЛЕ. НИЕ НЕ СМЕ ТУКА ДА БИДЕМЕ ПАРАВАН ЗА НИВНИТЕ ПРОПАДНАТИ ПОЛИТИКИ. НЕКА ПОКАЖАТ ЛИДЕРСТВО И ИСКРЕНОСТ“, РЕЧЕ ФИЛИПЧЕ.
Тој нагласи дека доколку ВМРО-ДПМНЕ не понуди реални решенија, СДСМ нема да биде соучесник во нивната пропаст.
„НЕКА ПОНУДАТ ИДЕИ ОКОЛУ КОИ МОЖЕ ДА СЕ ОБЕДИНИМЕ. АКО НЕ, НЕМА ДА БИДЕМЕ ДЕЛ ОД НИВНАТА ДРАМА“, ИСТАКНА ПРЕТСЕДАТЕЛОТ НА ОПОЗИЦИСКАТА ПАРТИЈА.
Неговата изјава доаѓа во време на зголемени политички тензии и дискусии околу иднината на земјата, особено во контекст на евроинтеграцијата и политичките стратегии на двете партии.
