Судот на ЕУ ја потврди пресудата на понискиот суд, според кој Гугл, при пребарувањето им дава незаконска предност и препорака на корисниците за купување на неговите сервиси пред оние на конкуренцијата.
Технолошкиот гигант Google го загуби случајот што го покрена против паричната казна од Европската унија (ЕУ) изречена поради начинот на кој компанијата врши дигитално рекламирање.
Судот на правдата на ЕУ ја потврди одлуката на понискиот суд, отфрлајќи ја жалбата против паричната казна од 2,4 милијарди евра наметната од Европската комисија за давање на компанијата незаконска предност во резултатите од пребарувањето на нејзините препораки за купување во однос на ривалите.
„Судот на правдата ја отфрла жалбата и со тоа ја потврдува пресудата на Општиот суд“, соопшти судот, пренесува АП.
Комисијата го обвини Гугл дека ги насочува корисниците кон своите Google Shopping сервиси без право на пребарување, нанесувајќи им штета на конкурентските провајдери на истите услуги.
Тоа е една од трите казни од повеќе милијарди евра изречени на компанијата од страна на Европската комисија во последните 10 години.
Google разочаран од одлуката, потрошувачите ја поздравуваат
„Разочарани сме од одлуката на Судот, која се однесува на многу специфичен збир на факти“, објави накратко Google.
https://tas-mk.toboads.com/ads.php?b=2&rq=9dec97aa-04b6-5aca-276a-72968d965e26&vt=61abe602-1b38-48b0-8923-98bb0865a651&isf=false&zn=6e0ce682e&tm=0&af=320×0&fv=undefined&nw=0&co=1&vh=658&vw=390&asc=0&srf=https%3A%2F%2Ffaktor.mk%2Fmora-da-ja-plati-kaznata-koja-dostignuva-24-miljardi-evra-gugl-go-zagubi-sporot-protiv-eu&loc=eq-srf&rn=2223a6a1-4fd1-8a28-ea9a-48878713199a&ct=fa1d8f67-effb-214e-c2a0-a47a6e9bcef7&c=hA_c_1_10beccf5&ah=0&L=f2caaf2b-cdd6-4d82-9363-88eafb62ee9a&afs=undefined&sck=0f702872010edee6c80637ecdaf58b65571f4264&
Компанијата уште во 2017 година тврдеше дека вовела промени во своето работење со цел да се усогласи со одлуката на Европската комисија, за која наведува дека работела добро.
Европската групација за потрошувачи BEUC ја поздрави одлуката на судот, велејќи дека таа покажува како законот за конкуренција на блокот „останува многу релевантен“ на дигиталните пазари.
„Гугл им наштети на милиони европски потрошувачи со тоа што се осигура дека конкурентните шопинг услуги се практично невидливи“, рече BEUC, според Бета.
