Трагичниот случај со 14-месечното дете кое почина на Клиниката за детски болести предизвика големо внимание во јавноста и реакција од властите. Екипа од Државниот Санитарен и Здравствен Инспекторат (ДСЗИ) моментално врши инспекција на терен, испитувајќи го начинот и процесот на лекување на детето. Министерот за здравство, Арбен Таравари, чека на резултатите од инспекцијата пред да донесе дополнителни заклучоци.
Родителите тврдат дека претходно ја посетиле клиниката, но добиле само терапија за дома. Подоцна, кога состојбата на детето се влошила, го однеле во болницата во Козле, од каде итно било префрлено на Клиниката за детски болести, но за жал, починало.
Министерот Таравари изјави дека има сознанија дека детето не било хоспитализирано и навестува дека ќе бара лична одговорност по завршување на истрагата. Обдукцијата е веќе завршена, а материјалите се испратени на дополнителни испитувања, чиј резултати се очекуваат оваа недела.
