Додека научниците ширум светот се натпреваруваат да најдат лек за коронавирусот, Аника Чебролу, 14-годишна тинејџерка од Фриско, Тексас, ја доби престижната награда „3 милиони предизвици за млади научници 2020“ и 25.000 долари за нејзиното откритие кое може да доведе до можна успешна терапија против КОВИД-19, пишува Си-Ен-Ен.
„Предизвикот за млади научници“, е натпреварување во кое учествуваат средношколци од САД.
Натпреварувачите во кратко видео покажуваат идеи за нивните пронајдоци со кои би можеле да решат проблем, додека десетте финалисти имаат можност тесно да соработуваат со научниците од „3М“ и да го посетат центарот за иновации на компанијата во Минесота, со цел да да се натпреваруваат за наградата од 25.000 долари и титулата најдобар млад научник во САД.
Пронајдокот на Аника се користи за таканаречената методологија на работа „Во силициум“ за откривање на клучната молекула, која може селективно да го поврзе и испрати протеинот до вирусот САРС-Ков-2.
„Последните два дена видов големо медиумско внимание на мојот проект поврзан со коронавирусот и тоа ги рефлектира нашите колективни надежи дека ќе заврши пандемијата. И јас, како и сите други, сакам што побрзо да се вратам во нормала“, изјави Аника за Си-Ен-Ен.
Аника, американска државјанка со индиско потекло, го достави својот проект да се натпреварува, кој првично не беше посветен на наоѓањето лек за коронавирусот.
Нејзината цел на почетокот беше да се користи методот Ин-силико за да се идентификуваат водечките единици што можат да го врзат протеинот со групата вируси.
„Откако поминав многу време во истражување на оваа пандемија, вируси и лекови, би било лудо да помислам дека само јас би можела да ставам крај на целиот овој проблем“, додаде таа.
Таа призна дека инспирацијата да го најде лекот за коронавирусот и дошол откако дознала повеќе за пандемијата на шпански грип од 1918 година и била шокирана кога сфатила колку луѓе ги губат своите животи во САД годишно и покрај вакцинацијата против грип.
Кога не е во лабораторија, оваа 14-годишна девојка се занимава со традиционален индиски танц, што го практикува веќе осум години.
