Во Киев утрото се огласија сирените за воздушниот сообраќај. Ова е трет ден на руски воздушни напади. Во текот на ноќта, но и утрото, експлозии одекнаа низ цела Украина.
Непозната направа експлодирала рано утринава на влезот од пазарот во Мелитопоље. Повредени нема, но причинета е голема материјална штета. Исто така, во текот на ноќта и утрото се регистрирани неколку експлозии во Миколаев и Никопол, јавуваат украинските медиуми.
The Russian terrorist state is bombarding civilians in Nikopol' with incendiary munitions. The Russo-terrorists are firing from the vicinity of the Zaporizhzhya nuclear power plant. pic.twitter.com/V50KKdzFyY
— Michael MacKay (@mhmck) October 11, 2022
Пет експлозии одекнаа утрово во украинскиот град Херсон, јавија руските медиуми, додавајќи дека според неофицијални информации, активирани се противвоздушни системи.
Украинскиот министер за одбрана Алексеј Резников изјави дека земјата добила серија од уште четири високомобилни артилериски ракетни системи HIMARS од САД.
„Благодарен сум на американскиот претседател Џозеф Бајден, на секретарот за одбрана Лојд Остин и на граѓаните на САД за зајакнувањето на украинската армија“, напиша тој на Твитер.
Досега Украина има добиено 16 системи HIMARS од САД, како и 10 MLRS системи од други сојузници, пренесува Ukrinform.
