Премиерот на Папуа Нова Гвинеја го објави новиот состав на владата, кој вклучува не само некои нови лица, туку и некои нови позиции, вклучително и функцијата министер за кафе.
Позицијата, прва од ваков вид во светот, ја покажува посветеноста на владата за проширување на клучните земјоделски индустрии, рече премиерот Џејмс Марапе, кој победи во трката за реизбор на почетокот на овој месец, по парламентарните избори кои беа нарушени со насилство и обвинувања за измама на гласачите, пишува лондонски Гардијан.
Марапе за прв пат назначи и министер за палмово масло.
„Овие именувања значајно го истакнуваат земјоделството, за да можеме да видиме раст на земјоделството во земјава“, рече тој објавувајќи го составот на новата 33-члена влада.
Првиот министер за кафе на Папуа Нова Гвинеја е новоизбран пратеник Џо Кули од областа Англимп-Јужна Ваги.
Кафето од земјата се појави во последниве години како посакуван увоз, со кафулиња низ Австралија, САД и Јапонија кои служат кафе направено од зрна одгледувани во Папуа Нова Гвинеја.
