Утринава Скопје е под целосна полициска опсада поради протестите кои се најавени во 12:00 часот пред македонското Собрание.
Додека народот пред Собранието ќе протестира против Бугаризацијата на Македонија, Собранието ќе гласа за францускиот предлог додека во парламентот внатре ќе биде Димитар Ковачевски и претседателката на Европската комисија, Урсула Фон Дер Лајен.
Полициско обезбедување има пред Собранието, ЕУ Инфо центарот, Бугарската амбасада и секаде помеѓу овие неколку критично точки.
100-тици полицајци од цела Македонија денеска се на работна задача во Скопје по полна опрема за немири. Протестите започнуваат во 12:00 часот пред Собранието на Република Македонија.
-И денеска како и сите изминати денови откако почнаа ненајавените протести, упатувам апел за практикување на мирен протест како дел од дијалогот, изјави рано утринава министерот за внатрешни работи Оливер Спасовски.
