Имајќи го предвид фактот дека исчезнуваме како нација дека нè има сè помалку, податоците покажуваат дека ни требаат 2,15 за репродукција, рече српскиот претседател Александар Вучиќ при денешното обраќање.
„Тоа е многу сложен проблем. Со децении размислувате за тоа. Без разлика што е донесен буџетот, од 1 јануари државата ќе плаќа по 300.000 динари (околу 2.500 евра) за секое првородено дете. Сите во Србија ќе добијат повеќе од 4.000 евра.Сакаме да ги поттикнеме раѓањата“, рече тој.
Што се однесува до второто и третото дете, значително зголемување ќе има особено за второто дете.
„Овие мерки ќе бидат драстично зголемени во финансиска и во која било друга смисла. Мерките за првороденото дете се брзи, особено за сиромашните. Мерките за второто дете ќе се знаат за околу 15 дена. Измената на Законот за семејство конкретно ќе регулирање на прашањето за учениците кои сакаат да ги исполнат своите родителски потреби“, рече претседателот на Србија.
Тој изјави дека се воведуваат мерки со цел да се стимулира породувањето кај студентите. Доколку девојка забремени, роковите за испит нема да важат за неа, ниту за машките родители. Посочи дека ќе се воведат рокови тие студенти да го завршат факултетот до 26 години, односно Медицинскиот факултет до 28 години и дека ќе се водат како навреме да завршиле.
„Две мерки од 300.000 динари за студенти, тоа ќе го направиме во следниот месец“, објасни тој.
„Само мерката за првородено дете, зголемувањето е за 5,7 милијарди динари повеќе само за тоа“, изјави претседателот.
Како што истакна, најважната мерка се однесува на мајката, за да нема злоупотреба, а тоа се станови и помош што државата ќе им ги даде на брачните парови, каде што правото на сопственост ќе оди кај мајката.
„Со тоа сакаме да ги мотивираме младите порано да ги напуштат домовите и становите на родителите, бидејќи имаме толку мали шанси да основаме семејство. Тоа ќе ја поттикне изградбата на станови, но и паровите кои сакаат да станат родители. Тоа се 20.000 евра подароци од државата“, истакна Вучиќ.
Извор: Вечер МК
